Sniðugt?

Eru virkilega einhverjir svo grunnt þenkjandi, að láta sér detta í hug þessa lokun?

Með lokun vinstri beygjunnar er útilokað að komast Bústaðaveginn beina leið út úr borginni. Fólk verður að fara í gegn um Bústaða- og Smáíbúðarhverfið, þar sem víðast er 30 km hámarkshraði, og komast út á Miklubrautina niður Réttarholtsveg eða Grensásveg. Þar myndast að sjálfsögðu umferðarhnútar, enn betur hnýttir en þessi. Til dæmis eru umferðarljós á Réttarholtsvegi, þar sem hönnuð var einhver illræmdasta vinstri beygja á ljósum á höfuðborgarsvæðinu, fyrir þá sem ætla til hægri. Dettur "snillingunum" virkilega í hug, að fólk, sem er að flýta sér út úr bænum, hafi nægilegan tíma eða þolinmæði til að sniglast þessa seinfæru afkima á undir 30 km hraða? Þarna eru skólar, barnmargar fjölskyldur, mjóar götur og víða bratt, sérstaklega niður Réttarholts- og Grensásveg. Að vetri eru báðar þessar leiðir stórhættulegar.

Þeir segjast ætla að loka beygjunni í 6 mánuði í tilraunaskyni. Mér líst illa á að Borgarráð ætli að leika sér með líf barnanna í hverfinu mínu til reynslu. Þá er betra að sleppa þessari hugdettu.

 

 

Loka vinstri beygju af Bústaðavegi

Athugasemdir

[Sigríður (IP-tala skráð) 27.11.2008 kl. 18:07]

Óskar Bergson þarf að flýta sér í vinnuna niður í ráðhús enda held ég að hann búi í Breiðholtinu. Þetta er hið versta mál og ekkert hlustað á íbúa Bústaðahverfis, bara Breiðholtshverfis. Viltu ekki starta undirskriftum gegn þessu?

[Guðmundur Zebitz, 27.11.2008 kl. 18:09]

Hjartanlega sammála. Þó ég skilji að gjörningurinn sé gerður til að liðka fyrir á gatnamótum Sæbrautar og Bústaðarvegar þá er bara verið að færa vandamálið annað í hverfinu. Eins og þú bendir á mun umferðarþungi á Sogavegi og Réttarholtsvegi aukast til muna en þar eru bæði barnaskóli og leikskóli s.s. börn á ferðinni.

Held að mislæg gatnamót við Bústaðarveg - Sæbraut sé rétta lausnin en fæ hinsvegar ekki skilið hvernig þessi lokun á að hjálpa til uns ákvörðun um mislæg gatnamót verður tekin.

er ekki rétt að loka líka gatnamótum af Sæbraut inn á Miklubraut. Það hlýtur að minnka umferðarþunga á morgnanna sem og síðdegi þegar umferðarþunginn er sem mestur.... Nei það sjá það allir að það er ekki rétt.