Ekki meir, ekki meir.

 

Nú finnst mér nóg komið af orðagjálfri og skrifræpu.

Ég leyfi mér enn einu sinni að mótmæla fyrirhugaðri staðsetningu Landspítalans við Hringbraut.

Það yrði þvílík skerðing á möguleikum íbúa miðbæjar, vesturbæjar og Seltjarnarness til að komast leiðar sinnar heim og að heiman, að ég get ekki hugsað þá hugsun til enda.

Jafnframt mundi það skapa algjört öngþveiti við flutning sjúklinga.

Jafnframt bendi ég á Vífilstaðasvæðið, eins og reyndar margir hafa gert áður.

Byrja strax að byggja þar og ekki orð um það meir.

 

Hagkvæmast að byggja við Hringbraut

Athugasemdir

[Sigurður Geirsson (IP-tala skráð) 4.4.2015 kl. 19:19]

Já hann Dagur týnir allt til, til að fegra staðsetningu Landsspítalans á núverandi smáplássi. Nú er málið að það á að nýta 56.000 fermetra, sem Dagur telur vera ein eða ein og hálf Smáralind og finnst það þó nokkuð. Síðast þegar ég vissi þá var víst Smáralindin 60.000 fermetrar og ef það er rétt munað hjá mér þá nær þetta ekki einni slíkri. En hvað með það Dagur gleymir algerlega að nefna kostnaðinn við að rífa hitt sem ekki verður nýtt. Það er kostnaður sem vel má nýta við að byggja nýjan spítala á öðrum stað.

Ég held að það sé komið nóg af því að hola niður stórfyrirtækjum í miðbæ Reykjavíkur. Núverandi borgarstjórn er heldur ekki það mikið í mun að samgöngur séu góðar um bæinn eins og mýmörg dæmi um vísvitandi torveldanir á umferð sanna. Nýjasta dæmið um það er að eyðileggja Grensásveginn til að koma þar fyrir fjórum akgreinum af hjólastígum, sem ekki einu sinni hjólafólk vill vita af þar sem þetta er einhver versta þverun á Reykjavík sem hægt er að koma upp fyrir hjólreiðarfólk.

Það væri nærri að menn settust nú niður og skoðuðu hvar hentugast er að setja niður nýjar Landsspítala, sem við getum verið hreikin af og nýst okkur vel og að sú nefnd hafi í huga staðsetninguna út frá því að þar sé pláss fyrir spítalann og einhverja útvíkkun hans, að þar sé auðvelt að komast að og frá, bæði fyrir sjúklinga og starfsmenn. Og þessi nefnd að ekki að hafa í huga hvar þetta sé hentugast út frá sjónarhóli Dags og hans Reykvíkinga.